Tum Sath Ho

Hai haseen yeh zindagi jo tum sath ho mere,

ikk yahi toh zariya hai
"JIYA"
ghamo ko bhool jaane ka.............*

Tum sath ho mere

Hai haseen yeh zindagi jo tum sath ho mere,

"JIYA"

ikk yahi toh zariya hai ghamo ko bhool jaane ka.............*

Naye Alfaaz

Yun hi thi uljhi kuch nayi-purani uljhano ko suljhane mein,

"JIYA"

par ab laut aayi hoon kuch Naye Alfaazo ke sath.............*

Apni chahat jatati nahi

Aisa nahi ki tum mere ehsaas mein shamil nahi,

hoon main thodi nadaan joh apne hi jazbaat jatati nahi......

Jaante ho tum ki main hoon badi naa-samajh,

naa-samjhi mein ki galti ko Dil se lagate nahi......

Ek pal bhi jab tumhare chehre pe udaasi la deti hoon,

mehsoos karti hoon ki main tumhare kabil nahi......

Chahte ho tum mujhe bepanah,

wakif hoon iss baat se......

Badi khud-garz hoon,

"JIYA"

joh apni chahat jatati nahi.............*

Ulajh jaate hain Alfaaz

Kabhi kabhi toh na parwah hoti roz mulakaat ki,
aur kabhi bemaani si ho jaati hain nazdikiyaan bhi........
Kabhi toh bin kahe bhi haal samajh jaaya karte,

"JIYA"

aur kabhi ulajh jaate hain Alfaaz bhi.............*

Chhoti si hai Prem-Kahani

Badi lambi kahani nahi yeh,
chhoti si hai Prem-Kahani,
ikk Anjana aur ikk Anjani...
Jaane kab ban baithe sangi-sathi,
yun thi halki si dosti-yaari,
chhoti si hai Prem-Kahani,
ikk Anjana aur ikk Anjani...
 
Na tha koi Punar-Janam,
na thi koi dastaan purani,
par fir bhi
woh ikk-ikk din mein jeete barso ki zindgaani...
Laakho sapne, hazaaro waadein,
yun hi bunte raaton mein barso ki kahani,
doori thi milon ki, roz mulakat na hoti,
fir bhi ehsas ek-duje ki chhuan ka har saans dilati...
Ek sapna bunta, Duja unmein rang bharta,
ajab tha woh diwana, ajab thi woh diwani,
chhoti si hai Prem-Kahani,
ikk Anjana aur ikk Anjani...

The dono anjaan, unki hai adhuri Prem-Kahani,
mata-pita ki umeedo ko pura karte huye judaa hona pada,
shadi ka bandhan kisi duje se juda...
Chhoot gaya dono ka saath,
Ladki ban gayi kisi aur ki jeewan sangini,
na mita paayi uski chahat dil se,
na bhar payi unn sapno mein rang...
Saccha pyaar uska woh 'Anjana'
agle janam mein mil jaye uska woh diwana,
puri ho jaye yeh Prem-Kahani,
yahi aas liye naye jeewan ki oar badh gayi woh 'Anjani'
adhuri rah gayi Prem-Kahani,
ikk Anjana aur ikk Anjani.............*

Mohabbat ki Raah

Itna aasan bhi nahi milna humara........

"JIYA"

Mohabbat ki raah mein kaantein hazaar bikhre hain.............*